Årets kontor 2024

Nytt år, nye mogelegheiter. Me i Eiendoms­megler Vest i Sunnhordland vil takke alle våre gode kundar og samarbeidspartnere for eit travelt og godt 2024 – og velkommen til 2025, der nye reglar gjer at det blir lettare å skaffe seg bustad.

Eiendomsmegler Vest sitt kontor på Stord sel bustader på Stord, Fitjar, Bømlo og Kvinnherad, og me kan sjå tilbake på eit av våre beste år. Totalt omsette me i fjor 310 bustader, noko som gjer oss ein marknadsdel på heile 39 prosent i desse fire kommunane.

Dette gjorde at kontoret vårt vart kåra til «Årets kontor» i Eiendomsmegler Vest i 2024. Me er svært stolte over denne utmerkinga, og det er mange kriterier som ligg til grunn, blant anna gode tilbakemeldingar frå kundane våre.

Som om ikkje det var nok: Våre to flinke meklarar, Ove Sagenes og Ørjan Økland Stokka, var dei to med høgast omsetning i heile selskapet! Me applauderer og gratulerer!

Me vil takke alle våre kundar som gir oss høve til å befeste vår stilling som det største meklarkontoret i regionen!

Nytt av året er at regjeringa har senka kravet til eigenkapital for bustadlån frå 15 til 10 prosent frå 1. januar.

Eigenkapitalkravet avgjer kor stor del av verdien på bustaden ein sjølv må stilla med for å få bustadlån. Skal ein til dømes kjøpe ein bustad til 3 millionar kroner, må ein med eit eigenkapitalkrav på 10 prosent stille med 300.000 kroner sjølv. Tidlegare måtte ein ha hatt 450.000 kroner i eigenkapital.

– Dette fører til at fleire kan få høve til å komme seg inn på bustadmarknaden, men det kan også føre til at fleire er interesserte ei ein bustad, og at prisane kan bli pressa oppover, seier salsleiar på Eiendomsmegler Vest sitt kontor på Stord, Gudny Eldøy Kydland.

Det er for tida stor etterspurnad etter bustader i heile Sunnhordland, og spesielt på Stord.

– Så dersom du vurderer å selja bustad, så er det rette tida no. Ikkje nøl med å ta kontakt med oss for eit uforpliktande tilbod, seier Kydland.