Regine Nesheim

Gjennom tett oppfølging og god rådgjeving, skal du oppleve eit trygt og effektivt bustadsal. Mitt mål er at du som kunde skal føle deg ivaretatt, og sitte igjen med ei god oppleving av bustadhandelen. Eg legg vekt på ærlighet og kvalitet i alle ledd, og er opptatt av å utnytte potensiale og framheve gode kvalitetar som ligg i ein kvar eigedom.

Utdanning/erfaring

Eg tok utdanninga mi i Sogndal ved Høgskulen i Sogn og Fjordane, samtidig som eg jobba som trainee det siste året av utdanninga. Ved fullført bachelor hadde eg dermed allereie mykje praktisk erfaring frå bransjen. Eg starta mi karriere på vårt kontor i Volda, der eg jobba i eit sterkt team av erfarne eigedomsmeklarar med fagleg tyngde og god lokalkunnskap. No er eg fagansvarleg for kontoret på Nordfjordeid, samtidig som vårt gode samarbeid med Sparebanken Vest, gjer at eg også er tilgjengeleg frå SPV sine kontor i Stryn og Måløy.

Spesialitet

Eg er fødd og oppvaksen på Nordfjordeid, og godt kjent i heile Nordfjordregionen som er mitt marknadsområde. Som tidlegare landslagsutøvar i skyting, er eg målretta og engasjert, og veit at god førebuing, struktur og fokus på detaljar er viktig for å oppnå best mogleg resultat. Eg brukar difor god tid på klargjering og presentasjon av eigedomen, og står klar for å gje deg mine beste råd.